Eurovision

Geggjað!!!! Í gær kvöldi vorum við Hannibal límd við sjónvarpsskjáinn eins og 3,5 milljónir Svíar og horfðum á úrslitin um hvaða lag mun taka þátt í "Melodifestivalen" fyrir hönd Svíþjóðar á þessu ári. Þetta var þvílíkt shów og alveg slatti af allt í lagi lögum (auðvitað alltaf miðað við standardinn í Eurovision....). Sjálf hefði ég nú ekki kosið Charlotte Perrelli, en verð að viðurkenna að hún kann allavega að syngja og mun örugglega gera það gott í Belgrad. Uppáhaldslagið mitt fékk ekki mörg stig (þetta var alveg svona stigagjöf eins og í aðalkeppninni, bæði með stigum frá dómurum eftir landshlutum og svo jafnmörgum stigum frá áhorfendum), en vandamálið var að gaurinn kunni eiginlega ekki að syngja (en lagið var samt æðislegt!).

Hér er allavega sænska sigurlagið (og hafið engar áhyggjur, ég móðgast ekki þó einhverjum líki þetta ekki, ég er frekar hlutlaus sjálf eins og sannur Svisslendingur! Greijið Charlotte hefur fengið nógu margar athugasemdir varðandi útlit, anorexíu og ýmislegt annað, svo ég ætla ekki að tjá mig neitt meira um það....), Charlotte Perrelli með Hero:

Og hér kemur mitt uppáhaldslag í þessari keppni, Nordman með I lågornas sken. Söngurinn byrjar ekki allt of vel, en kemur síðan í gang. Og textinn er víst mjög góður ef maður skilur hann....:

Og svo kemur hér smá innskot sem var notað sem skemmtiatriði í útsendingunni ígær, það er lagið sem keppti fyrir Svíþjóð í fyrra í algjörlega nýrri útfærslu og með annarri söngkonu. Ef hún hefði tekið þátt í keppninni þá hefði hún nú pottþétt unnið, þetta er svo mikil snilld hjá henni! Maia Hirasawa með The Worrying Kind: