Es schnejelet, es bejelet, es goht (k)en chüele Wend....

Mer chönnti maine s'wer Wienachte so we do d' Flocke vom Hemmel gheie. Aigentli hemmer jo scho ufge gha ond gmaint jetz chiemi denn de Früelig, aber zersch esch jo no Oschtere ond do wänd alli Schwede nochli go schifare ond för das bruchts natürli Schne. Jo guet, wenn's eso wytergot denn sött das e kes Problem sy! S'Foti hani am achti am Morge gmacht, vellecht gitz schpöter no es Nöjers damit er de Untersched chönd gse. Wemmer Päch händ fots bald a rägne (s'esch nämli öberhaupt ned chalt), das wär weniger schön......

.... jæja, es esch also enzwösche nüme so schön ond rägnet nume no, s'git also kes nois Foti, s'wär ken Ufschteller! (15:30 PM)

Be ois esch emmer nonig entschede was mer öber Oschtere machet. Met echli Glöck werd de Schtart vo de erschte Öfe vom Mai bes en Herbscht verschobe. Das wörd bedüte das de Hannibal au för es paar Täg weg chönnti. Aber wenn de Schtart scho em Mai söll sy denn chann er nöd frei ne well syni Abgasalag scho z'vel Verschpötig het. Aber ebe, das chunnt höt Nomittag oder am Mäntig us...... mer wartet gschpannt! Ond je nachdem blybed mer do oder faret vellecht uf Kopehage oder gar i d'Schwyz..... Jetzt haisst's Dume drucke!

.... oder so ähnlich! Dies war mein erster Versuch eines Eintrages auf Schwyzerdütsch, nur so zum Spass, seid also gewarnt, es könnten ja noch mehr werden......