Hannibal á skíðum

Hannibal heppni fékk skíðadag í jólagjöf frá mömmu minni og sá dagur rann upp á sunnudaginn var. Bróðir minn náði í hann eldsnemma morguns og þeir keyrðu á skíðasvæði sem heitir Flumserberge og er í ca. klukkutíma akstursfjarlægð frá Baden. Á meðan við vorum næstum því að drukkna í snjókomunni þann daginn þá fengu þeir fínasta veður og nutu sín vel uppi á fjallinu eins og meðfylgjandi myndir sýna.

Eina kommentið sem ég fékk upp úr Hannibal eftir þessa ferð var: "Dýpsta lausamjöll sem maður hefur komist í tæri við." Sumsstaðar skíðuðu þeir félagar niður næstum því ósnortnar slóðir þar sem var um eins meters púðursnjór (t.d. á hægri myndinni fyrir ofan)! Bláfjöll fölna við hliðina á slíkum aðstæðum.....